Choi既畢業文
Choi化療時，因為都多副作用，又因為化療而引致有少少情緒狀況，當時我有同佢傾，其實好多姊妹都同佢傾，因為大家真係手拖住佢，希望佢撐住，有姊妹知佢成日一個人在家，好擔心佢，仲提出想送餐去佢屋企，又試約佢出黎，我同佢傾計時，知道佢先生其實好錫佢，都盡力陪佢啦，買野比佢食啦，氹佢啦，再加上好多姊妹都用各種方式陪住佢，今日Choi話比我地知，佢順利畢業啦，好叻女，唔係好順利既過程，但好順利咁圓滿畢業，請比十個讚自己👏👏👏👏👏
呢張圖係佢交比我，呢張相係佢同先生去旅行時影，呢段路其實係落緊雨，但盡頭係一個好靚既日落，好大對比，佢同我講就算當下天氣幾差都好，只要咬緊牙關衢過去後，都係一個好靚既日落迎接大家👏👏👏
Choi既畢業文係好感激大家既陪伴，佢話多到唔能夠一一道謝，佢會留低陪伴之後加入既新姊妹，就好似大家當初對佢一樣，呢幾句睇到我好感動，亦令我好感觸，證明我地個group係有存在價值，證明真係有姊妹記住我既初心，開group既宗旨，我地要記住要一齊手拖拖健康到老啊！！！
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
順道分享件開心事，我尋日打完最後一針免疫治療，真正完哂所有治療了。今個星期一次過做哂夾胸超聲波，pet ct同MRI，報告都好好，一切都無事。
我之前以為自己會有好多「畢業感言」，但呢刻覺得淡淡然。
或者無再俾個病影響，身心回歸平常，係最好。
但有樣事不得不說，就係好感激大家陪我度過治療嘅日子，姊妹多到我無法逐一道謝，唯有繼續喺度陪伴之後加入嘅姊妹，就好似當初大家幫我咁樣。
＃乳您一起Youarenotalone
#姊妹畢業感言
＃化療經過
＃手拖手到老