一年一度返政府醫院覆診，今次同醫生既對話，令我有點不一樣既感受，好多時聽到姊妹話政府醫院既醫生講野好冇同理心，令到佢地好難受，的確我都曾經接觸過，但今次見呢位醫生又令我幾感覺不一樣，我係三陽乳癌康復者，雖然好返7年多，但知道有荷爾蒙受體既一般要擔憂復發會長達20年，咁我問醫生我應該要做啲咩好呢？
我同醫生講，其實檢查真係好重要，及早發現唔係更好咩？醫又容易，治療又可以少啲，及早發現，可能做個手術就完，如果遲發現，遠端擴散左，治療係一世，政府唔係用得更多錢咩？其實間接係幫政府慳到錢架喎！💰💰💰💰💸💸💸💸
平時會預左醫生會劈頭第一句，冇架喎，冇野可以做架啦，自己留意啦，有野再返黎😅 心諗，啋過你呀！😆
但今日呢位醫生係明白我既擔心，亦都好耐心又溫柔咁解釋佢地幾耐會見一次我地，要追蹤幾多年，我地康復左仲可以做啲乜野檢查，仲主動問我需唔需約期比我照MMG，又問我想唔想要轉介信出去照 （自費），排除我疑慮，佢都同意我地康復者，好需要實際既“證明“自己係冇晒事😆
其實癌症病人心靈好脆弱，每一位醫生既說話都係我地既強心針，有時係明白你地見病人見到“滑晒啞“，但我地明白你地既同時，都好想你地明白下我地病人既感受，好多謝你呀 － 胡醫生🥰🥰🥰
＃乳您一起Youarenotalone
＃東區醫院腫瘤科
＃康復7年多
＃醫生與病人溝通
＃每年派成續表