說好的手拖手精神❣️❣️❣️
大家最近好嗎？我冇update一段時間，因為我去左澳洲陪下仔女，人唔喺香港，但我都有繼續同新姊妹傾偈，我地個whatsapp group依然順暢運行，今日加左2位姊妹入group，其中一位係復發既姊妹，感動既係，見到姊妹們都係先關懷同鼓勵，大家一齊傾下分散下姊妹既注意力，我見到我地姊妹們都真係發揮好團結既精神，實在好感動啊！
我都好明白各位姊妹好擔心復發，曾經喺其他癌症群組見到有同路人好擔心復發會發生喺自己身上而立即“審犯“咁問點解，你有冇做檢查？有冇食錯乜野？有冇做左乜野........？而一句關心問侯都冇😢
但今日見到我地姊妹們都會係先關心姊妹，鼓勵，聆聽，我相信大家都係將心比己，如果發生喺自己到會想大家點對自己，所以我真心欣賞大家，真係好感動，我地就好似一家人，入得黎就手拖手，一齊行落去，我祝福所有姊妹，我地要一齊健康到老啊！
＃乳您一起YouAreNotAlone
#手拖手一齊行
＃有啲感受只有同路人先會明白
＃好感動亦好感恩有大家
＃AI生圖真係好幫到手