乳癌治療後的“隱形風險“－淋巴水腫預防與日常保養 － 圓滿結束🥰🥰
有一日仁安醫院腫瘤科同事聯絡我，因為佢睇到我前排一篇post講我地有個新既手工群組，由一班姊妹義教，令到好多姊妹重拾或搵到興趣，但我地經常遘到場地問題，仁安醫院腫瘤科同事見到就立即搵我見面，睇下佢地周六下午免費提供地方比我地聚會，大家傾下傾下，佢地理念係非常以人為本，好多設計都係聽病人既想法加設，令我好感動🥰，又再傾下傾下時，佢地知道有病人做完切除淋巴手術後可能會有水腫情況出現，於是佢地將護士長專登去澳洲去學掃導淋巴水腫治療師去幫有需要既病人🥰
我呢一年黎都搞左好多關於藥物新資訊既talk，淋巴水腫呢個議題，有好多姊妹都會擔心，甚至乎有發生，但坊間有好多傳聞，例如撘飛機係唔係要帶壓力袖呢？點帶呢？帶乜野既壓力袖？點去選擇？平時要做乜野運動？可唔可以拎重野呢？...........由Esther一一解答，由淺入深，淋巴小姐有脾氣，唔好激嬲佢，循序漸進.........全部姊妹都話今次講座內容超級正，因為終於有一個正確既資訊學到，以後仲可以去分享比有需要姊妹。
另外仲安排左由放射治療師講解各電療有乜用，仲帶我地去參觀，平時我地去電，就係入去，除衫，上床，瞓低，開機，電完，起身，走，完全冇時間睇下呢部機係點運作😆唔同既機有唔同既作用，同埋仁安醫院特設女性專區，等大家唔會換左衫後有尷尬，真係好多謝你地既全力支持呀！
學到野！！！
＃乳化一起Youarenotalone
#照顧好淋巴小姐
#好好做運動
#唔係大力就得
#最重要係循序漸進