健康“焙“伴工作坊完滿結束
大家有冇成日覺得食麵包都係一個負擔？有冇覺得又驚有糖，又驚精製麵粉等等.......總之就係一路食一路驚啦！🥲
於是我又搵下有冇人可以幫下我地姊妹，一齊去整又健康又好食既菠蘿包，仲有甜品波波添，又可以同姊妹聚會，又可以學整野食，又有醫生黎到傾下計，仲可以拎返屋企同屋企人分享，呢件事係唔係好開心先😊
真係好多謝 ＃HKIOC & ＃ACare 全力支持我地，令到我地可以實現晒所有願望，亦都好多謝 ＃營養師Josephine & ＃K小姐，仲有同事們周圍出去搵場，又訂材料，物資，營養師們試左幾十次先搵到一個完美配方，既健康，又好食，大家一齊開會，傾點樣令到姊妹們完全帶住一個放鬆既心情黎到me time，跟住見到大家好開心咁玩，笑聲滿天，大家齊心協力，留心聽書，亦又好開心見到 #陳心研醫生 黎到一齊整個醬再送比姊妹們既禮物，大家每一個留言表示好開心，好好味，食得冇負擔，我地所有工作人員聽到大家既feedback後，都覺得......值得了，就算事前做左好多準備功夫，見到大家既開心就足夠了！💞💞💞💞
可能會有姊妹問，會長，點解唔見你公開邀請大家同路人一齊黎玩，其實主要係我一post出群組，10分鐘唔夠就full左了，因為大家一見有機會聚會，真係秒爆，我都好開心見到大家，希望多啲人可以sponsor下我地唔同活動，等我地開開心心有個ME TIME!
＃乳您一起Youarenotalone
#metime
#健康飲食
＃開心一聚
＃仲想唔想有下次？