You're Not A窿 － 做冬
繼上年60人新春團拜後，好多姊妹問我幾時再有😊😊
上次係姊妹自發性去搞，我成日覺得自己平時主居幕後，我冇信心搞活動會有人去，大家都知我冇經費，冇sponsor, 仲要自費喎！所以成日卻步，怕搞左冇人去好尷尬😅😅 其實好多姊妹都鼓勵我，話我搞既活動基本上都極速爆滿🙏🙏 但我內心就係有份擔心，所以大家不妨多鼓勵同支持我多啲，等我多點自信心😆😆
好啦！！我終於鼓起勇氣試下啦，但我必須要有姊妹幫手先可成事，又真係有幾位姊妹主動舉手幫我，真係好多譏你地呀❣️❣️ 初初諗住3圍成團就好叻叻啦，點知極速5圍爆滿，再6圍爆滿，再7圍爆滿，再加開最後一圍8圍爆滿。
我既自卑感又黎啦！真的嗎？96人喎！ 自費喎！可能啲人霸下位既啫，到收錢就會好多位放返出黎，可能到時得返3圍架啦，於是問下每枱有冇自願者幫我收錢，我諗住用一星期收錢啦，令我又好感動既係好快每枱有姊妹出黎幫手收錢，仲要居然96人都極速比晒錢，我話預一星期，點知係一日，大家仲報埋打麻雀，玩card game，講玩遊戲，一切一切都令我感動到不得了😭😭😭
想問下大家，其實都好想搵下有冇sponsor送啲禮物比姊妹，唔知點搵，大家有冇意見比到我呀？其實我都好想請埋醫生，藥廠同事黎一齊聚下，又唔知得唔得架呢？開心下麻😆😆
好期待12月6號見到大家呀！！
＃乳您一起youarenotalone
#做冬
＃節日對病過我地特別有意義
＃大家期待嗎？
＃點搵sponsor?
#我好似好厚面皮
＃多謝大家既鼓勵