ME TIME!!!!!
#醫患與您談心
好耐冇搞實體活動🥺 有一日比一個按摩師教我咩係死力按摩同識按摩手法既分別，令我諗起，成日比人按摩，但又唔係時時刻刻可以按，如果學識 #自我穴位按摩 都唔錯啊😁😁
諗到就做，好多謝🙏🏻🙏🏻 #羅氏大藥廠全力支持，姊妹太耐冇聚，定係個主題係正呢？一呼百應 🥰🥰 原本收25人，最最最多35人，最後38人就真係截啦🙏🏻🙏🏻🙏🏻 黎唔到既姊妹真係唔好意思呀，下次要極速報名啊☺️
我地請到中醫師 #郭瑩瑩醫師，仲有 #臨床腫瘤科專科醫生曾憲玲醫生 黎到講解
郭醫師講得好清楚易明，教我地自我按摩既穴位都好易搵，大家都好投入自我按摩😂 我見大家企晒喺身，一齊按頭頂穴位好可愛🥰🥰
曾醫生貼地帶出我地擔心既野，今次以chit chat形式，冇特定主題，都解答左好多既迷思，仲不停提點大家心情既重要性，你講一句勝過我講千萬句呀😘
完結後，好多姊妹留低傾計，大家都讚兩位醫生超好，氣氛輕鬆又易明，大家話唯一缺點係-唔夠喉😆😆😆
收到收到，等我再搵下有冇sponsor再搞啦😆😆
下次見☺️☺️