Christina既畢業文
Christina既感想都係我地大部份姊妹確診時既第一感受，Why ME!!! 真係百般滋味在心頭，當然大家既故事都唔一樣，但感受都係一樣，點解個天要懲罰我？但當個人靜落黎時，回望返，的確以前既自己太營營役役，唔夠愛自己，冇好好照顧好自己而得出個病，當然得到呢個病點都係不幸，但上天暫時拎走我地既健康，想我地停下急速既腳步，停落黎檢視下人生，其實係一份好大既禮物，就好似Christina咁，終於有機會坐低喺海傍散步同看海，反思下人生，雖然代價好大，但呢份禮物令我地更好去開展第二次人生😊
恭喜你呀Christina, 祝福你以後身體健康，過你更精彩既第二次人生，我地一齊手拖手健康到老😘😘
＊＊＊＊＊＊＊＊＊＊＊＊＊＊＊＊＊＊＊＊
我終於等到寫畢業論文的時候😊，儘管現在只是階段性勝利，但完成化療、手術、電療後，我覺得自己好犀利，之後荷爾蒙藥治療和定期checkup，我會當係日常補健品和身體檢查啦。回想起我確診時，我無辦法相信中招係我，人生灰暗。2024年是我人生極度低谷的時間，面對我的家庭和工作帶來的巨大壓力，加上我爸爸剛在我確診前3個月多月癌症復發離開人世，這個病像是我給上天判了極刑…… 我不知哭了多少次，2024年內已流了很多公升眼淚……但沒多久我認識到這個病並非想像中恐怖，反而它帶給我放假休息的機會，我沒想過我可以每朝早靜靜地坐在海濱傍散步和看海。反思自己過去有太多執著，令自己鑽牛角尖，又何苦呢…
心裡懷著勇氣和平安的心去接受治療，感恩天父讓我早發現這個病，及早治療得以康復，亦感恩我的好朋友介紹Jacqueline 和'You are not alone'這個群組，我不但可以透過群組知道十分有用的治療資訊，亦同大家傾吓計，感受大家歡樂氣氛，有你們陪伴，真的感受You are not alone!
'Dawn after darkness' 卡是我上星期在醫院遇到的，深受感動。各位仍在治療中的姊妹，加油呀！唔怕，治療辛苦時有我哋陪住你，送上祝福 Dawn after darkness!
＃乳您一起youarenotalone
#乳您一起畢業感言
＃化療經歷
＃以生命影響生命
＃確診時感受