Agnes既畢業文
Agnes, Big Big Congrats!!! 叻女呀！ 好感恩見到你地既畢業文，見到大家學懂放下，感恩，我地個group真係好厲害，咁多個姊妹來自五湖四海，大家入黎時，我都有同大家講我地group既宗旨 － 今日我地拖住你，他日你好返都一齊拖住新既姊妹，一齊去行過呢個不一樣既旅程，所以大家入黎都帶有一份使命感，喺呢到得到溫暖，得到資訊，得到正能量，同埋你講得好岩，真係 “會過去的“，大家手拖手行既力量係好大，我地都要繼續手拖手健康到老啊😘😘😘
＊＊＊＊＊＊＊＊＊＊＊＊＊＊＊＊＊＊＊＊＊
今日我終於畢業完成25次電療，記得由舊年6月份知道確診乳癌，我嘅眼淚好自然流到8月8日完手術，在這數月𥚃，不停出出入入醫院，真係好攰，好負能量。
直到在這個平台出現，首先好多謝會長Jacqueline🌈妳嘅正能量滿滿，我感受得到❤️！呢度亦都係我學習嘅好地方。
我再要多謝Ada Cheng，Eds，Yee，Corn，Sam等等等等…….仲有好多解答過我問題嘅人，都記唔晒😅，總之萬分感激！！印象最深刻就係Ada，你好似一部字典好犀利👏👍。
無論我有心事，分享，開心，憤怒，擔心。我都會打出嚟傾同問。
呢度啲姊妹好好，仲好叻乜都識，我未必可以追番到你哋傾咩嘢，但我會睇番，治療中姊妹加油啊！好快好番。
我在治療期間，我有一位朋友送咗四個字俾我「會過去的」，我自己感覺終身受用，原因係我覺得呢四個字擺喺邊個位置都好有力量。
在此我衷心祝福每一位姊妹，永遠身體健康！食得瞓得痾得！
笑口常開！開心每一天！
活在當下！感謝你們🌈🌈
＃乳您一起youarenotalone
#乳您一起畢業感言
＃化療經歷
＃以生命影響生命
＃確診時感受