多謝經濟日報既記者Panda既報導，6年前我既第一個訪問就係Panda搵我，當時我只係一個開始，一夥小小的種子，開始時並唔係打算將群組發展到今天既模樣 （雖然仲係冰山一角小小既群組），當時我都係受同路人既啟發，好返後去寫我既page，希望幫到同路人走過，6年過來，我地群組都已經成千人，除左為姊妹帶來資訊，安慰，亦都一齊手拖手走過。
近年發現三陰性乳癌出左好多新藥，的確係件好開心既事，但係除左化療，其他冇一隻喺安全網入面，只要入到安全網，有經濟困難既姊妹就可以申請資助，真係刻不容緩啊！希望醫管局聽下我地病人既聲音，幫下我地弱小社群，比我地一個生存既機會，比我地有機會重投社會，比我地有機會回饋社會🙏🙏🙏🙏
有見及此，我近呢2－3年貪心啲，我想多宣傳乳癌，想拆解多點大眾對乳癌既迷思，想姊妹學多一點點，想將更多既藥物加入安全網，令到姊妹受惠，唔寫出黎都唔知自己咁貪心😅
6年前我只係講我自己既經歷，6年後我為大家去努力，內心係充滿平安，同埋好踏實，以前我成日都好想做義工，但因為仔女仲細又要返工，真係冇時間實踐，原來除左真人出現咁去當義工外，網上都可以，仲更有效率添，最開心係可以帶動到一大班既同路人一齊去以生命影響生命，感恩！
＃乳您一起youarenotalone
＃三陰性乳癌
＃將藥物納入安全網
＃手拖手
＃多謝經濟日報報導
＃好開心再次見到Panda
#6年前我仲係一個化療完既康復者
＃感覺我大個女去幫人