Fion既畢業文
終於到你啦，如果姊妹會寫畢業文，我都會寫返少少鼓勵文，將呢個好不容易既人生經歷來一個總結，我覺得係好有意義，都儲左幾篇未出，先出左Fion呢篇先
睇完你篇畢業文好感動，感動既係你好感恩一切，雖然個病唔係我預料既，但完成回望返，除左曾經失去健康，上天拎走左我地一啲野，原來當中比返好多既我地，重點係你好叻女，全部好既野你都收晒入懷抱，你呢個畢業文唔只送比你自己，仲送比我地呢到所有既姊妹，我知道有部份既姊妹會好消極，覺得呢個病令我地人生變得灰暗，但只要你肯抬頭望下個天，只要你肯打開心扉，將開雙手，去接禮物，你會發現呢個病可能會帶比你好多彩紅，好多不一樣既啟發同人生，多謝你呀Fion😘
你呀！好返晒架啦！ 之後記得要定期檢查，我地一齊繼續手拖手健康到老呀😘😘
********************************************
走過二百幾天終於畢業了
2024年農曆七月十四同我開左個玩笑話比我知我中左獎，原來無健康比牛鬼蛇神仲得人驚。
多謝會長比我入到哩個組群，讓我係跌跌蕩蕩中找到支柱去支撐自己，睇住一個又一個康復既姊妹一個又一個實證讓我知道晤係想像中可怕。一入到黎见到個姊妹寫山不轉路轉，路不轉人轉，就噤就開展左我由盛夏到初夏既故事。有時天氣真係不似如期，由局切變全切，由好大機會晤洗化療變要化療，多謝會長講有藥醫晤洗驚，讓我勇往直前。甩頭髮係一個關口，多謝你地教我除假髮鎮宅，咀巴由向下彎變成向上彎。治療中遇到挫折、遇到過敏，多謝你地既分享、安慰、陪伴，讓我學懂見招拆招。多謝你地提醒戒急、戒憂慮、戒多諗，哩個都會係我未來繼續努力會做既工作，繼續學以致用。這二百幾天好似好長，但係每天同你地吹下水時間又好似好快過，哩份相識真係好奇妙，感恩識到你地每一位，也多謝你地成日比我係度亂噏廿四，每一位姊妹都好美麗，你地都發著光芒。病看似終點，其實對我係另一個起點係一個新開始，病比我躺平一下可以思考人生，可以去反思。哩段時間改變左好多人生睇法、改善左夫妻之道、比多左時間同仔女去溝通，學懂知足感恩，學會欣然接受，學懂用多啲欣賞眼光去看世界。Restart,重啟不僅健康上係整個人，我會好好珍惜第二生命。要多謝既姊妹實在太多，容我一次過在這裡衷心多謝你們每一位，認識到大家真係晤係緣份噤簡單，係絕對crazy同amazing，我會永遠記得2024、2025有你地陪我一起行，我地大家都要一齊健康到老、繼續錫多啲自己要幸福到老❤️❤️❤️
＃乳您一起youarenotalone
#乳您一起畢業感言
＃化療經歷
＃以生命影響生命
＃確診時感受