Yin Ping既畢業文
而家我地群組既姊妹，好大部份係來自referral，亦因為咁，我之前要返工又要照顧新姊妹，所以出少左好多post，我有段時間真係諗，我係唔係唔洗再出post呢，因為用家們已經幫手將我地呢個咁有愛既群組宣揚開去，令到多左人認識。
但姊妹既畢業文真係唔可以停，今日就係Yin Ping既畢業啦，由醫護既姊妹發放呢份正能量，我都好感恩見到姊妹講我地既宗旨係好有岩，恭喜你呀，仲有十針既標靶簡直濕濕碎啦，我地繼續充滿正能量咁以生命影響生命，承傳落去同埋一齊健康到老呀🥰🥰
＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊
我今日做完最後一次電療啦！由確診，到雙標靶雙化療、手術、電療，經歷左半年有多，過程跌跌碰碰，真係好感謝家人同谷中素未謀面的姐妹支持及分享。記得當日同家人坐在荃灣港安醫院李慧妍醫生診症室門外，我們一家徬徨無助、恐懼𣎴安的神情被一位醫護留意到，她從我取的藥物中大概知道我甚麼情況，我取藥時，她叫我比雙手她握住，她說不要怕，她也是同路人，並走出來同我們一家人分享了她的乳癌康復經歷，並介紹我入了這個群組，好奇怪，我的心立刻安定下來。會長成日講我們手拉手，一個拖一個所發揮的力量真係好大，好多謝你港安醫院藥劑師Fanny,是你把我帶入這個充滿正能量和歡樂的群組。雖然我仲有十次標靶要打，我當自己畢業啦！最後我想講，我哋都係强者！
#乳您一起youarenotalone
#乳您一起畢業感言
＃化療經歷
＃以生命影響生命
＃確診時感受