到Cat既畢業啦！！
年青既Cat上年摸到有硬塊而去做檢查得知確診，自我檢查真係好重要好重要啊，所以好彩算發現得早，但係因為her2又年青，化療，標靶都係走唔甩，Cat整個過程都唔係容易，但我地個group既姊妹一直手拖手，終於完成了😘😘 你唔放棄，我地都絕唔會放棄任何一個，快啲去食壽司啦😆
Super Congrats Cat, 一路睇你既畢業文就一路笑，睇得出你期待左魚生壽司生蠔海膽好耐😆 過完今日再算講得真係好好，活在當下，我哋繼續手拖手一齊健康到老呀😘😘😘
***************************************
到我post畢業文喇～yeah🎉🎉🎊
唔經唔覺我入group都有10個月時間，由上年4月中確診，6月做手術，8月19號開始化療，到今日驗血合格，終於可以飲食自由～
我好慶幸我入左黎，一開始成頭問號，冇諗過咁後生中cancer，確診後放工日日睇youtube睇到個人愈黎愈灰，然後入左group個人開始定d，到咩都唔諗交俾醫生，有時追post仲會傻笑，因為你地真係好funny，特別多謝會長係我最迷惘個陣打俾我＆批左我入黎。
我係化療第四針個陣都有諗過放棄，因為我停賽3星期，打番double份量真係好辛苦，個幾日企都企唔穩又又低燒～但辛苦日子總會過，捱下捱下又一日
聽日同死亡冇人知邊樣黎先，我揀過完今日再算，有咩事，食左先講，魚生壽司生蠔海膽我黎啦！！😍🤤🥰❤️❤️❤️
#乳您一起youarenotalone
#乳您一起畢業感言
＃化療經歷
＃以生命影響生命
＃確診時感受