2025年第一post
Angel既畢業文🥰
好耐冇出過畢業文，之前一直冇時間去整理，我都唔好再懶，之前既會有時間再post，Her2既治療以前係最長，因為要打一年既標靶，但而家三陰性既免疫治療，管腔都有標靶既出現，好似大家都差不多既治療時間，都係好事黎，證明越來越多既武器去幫乳癌患者，由於咁長時間既治療，其實都考我地既鬥志，沿途會有好多起起跌跌，我地手拖手，沉住氣，慢慢地一步一步行.......到完成治療後回望，得架喎，真係行得過架喎！同路人既妳們有冇同感呀？
Angel都一樣，一年半既治療時間，都係沉住氣，有時我會諗，可能就係上天比我地既一個課題，學習逆境自強，學習點樣喺繁忙既日程裡面停下來欣賞風景，學習慢活同當下，好返再從新出發我地既第二次人生，恭喜你呀Angel，我地要健康到老啊！ Big Congrats!!
****************************************
經過咗足足一年半嘅治療，今日最後一次療程嘅鐘聲響起嗰吓真係眼濕濕,不過忍住冇喊出嚟，費事啲護士唔知我做乜😆
一年半嘅時間真係話難唔難，話易唔易。好好彩我一開始嘅時候有朋友介紹咗我you are not alone 呢個group。多謝會長Jacqueline加左我入group 認識咗大家, 每次有疑慮，你哋都好快可以答到我同鼓勵我🥰 真係好溫暖。化療期間成日留係屋企又有吹水group嘅姊妹吹下水，令我嘅日子過得容易好多。
我好好彩除咗依度嘅姊妹，仲有我老公，阿女，家人同一班朋友嘅幫忙。由其是化療前半段未有工人姐姐嘅時候，好彩有老公同朋友幫下手睇住個女。
我今日畢業啦！嚟緊蛇年我终於可以重新出發！希望各位姊妹嘅療程都可以順順利利！大家都健康快樂生活落去！💕
#乳您一起youarenotalone
#乳您一起畢業感言
＃化療經歷
＃以生命影響生命
＃確診時感受