Irene既畢業文
還記得剛剛識Irene時，佢話比我聽出現晒3種乳癌，管腔，Her2，三陰都有既時候，我心入邊真係倒抽一口氣！但醫學昌明，就算三種集合咪都係有得醫嘅，超級無敵恭喜你呀Irene, 整個過程，除咗自己外仲要照顧家人，知你有辛苦過，傷心過但你一直冇怨過，做緊治療仲幫我做義工，我好欣賞你，仲識得放慢腳步去從新學習，好值得大家去學習，盡晒力做晒治療，時間咁長都唔容易！你既人生下半場一定會越來越好，要享受人生同健康到老啊😘😘😘
***************************
大家好，我係Irene
今日5/7終於畢業啦。
還記得根據舊年2022報告顯示，我一次過齊晒3個不同屬性。即包括：管腔、三陰、Her2 ⋯⋯走訪私家同政府拎意見，都係建議還原基本步向標靶出發，就此開始漫長的治療旅程。
由2022年2月確診患癌。
至2023年7月完成標靶。
不知不覺間咁就過咗一年半。呢段期間真係悲喜交集畢生難忘。不得不將工作急煞停下來，而家中身邊事情不斷發生。心態決定境界，唯俾個機會自己好好休息，讓自己聽吓自己嘅心聲，學會放下、靜心休養、樂觀面對，小小痛楚等於激勵，閑時學習不一樣zoom課堂，放寬心情enjoy me time。
我在術後才加入群組。謝謝會長Jacqueline 幫忙，姊妹們資訊互相交流，明白到恐懼來自未知，當你開咗針就會發覺原來冇乜嘢。感激會長介紹Ron送餐服務給我，開心哪暖暖食物感到一點甜。
抗癌路上不孤單，關關難過關關過，嚟緊仲多困難繼續向前走，珍惜，活在當下，活出更好的自己、更好的人生。
#乳您一起youarenotalone
#乳您一起畢業感言
#化療經歷
#以生命影響生命
#確診時感受