Oliva 既畢業文

好感恩睇到你既畢業文, 仲將你喺治療期間再次執筆畫畫, 將你既治療過程同感受都一一都筆錄落黎, 初初接觸你時, 你兩位姐姐都係我地group既姊妹, 我一知道後個心真係涼一涼, 個心真係諗係唔係要睇睇風水, 雖然三姊妹都分別患癌, 但可幸三姊妹都積極治療, 三姊妹都好返, 三姊妹一齊reset人生.

人命的裂縫....形容得好岩啊, 呢場病令我地既生命有左裂痕, 但我地可以就住呢裂痕成為一幅畫既開端, 慢慢畫開去成為一幅同原先不一樣既新畫, 可以比以前更靚更精彩既內容, 大家要一齊努力去為我地既裂痕製作出更不一樣既畫去展開不一樣既第二次人生, 我地手拖手一齊健康到老, 祝福你Oliva

****************************************
各位姊妹:💖

我於去年11月完成手術,在今年4月完成化療,5月完成電療。過程中一直都有記錄自己的心路歷程📝,直至現在終於整合好文章,想與大家分享。(請參閱附件)

再次多謝會長,多謝群組各姊妹,是你們無私分享,願意將自己寶貴的經驗,充滿血與淚的親身經歷與我們分享,妳們的勇敢和熱情感動了我,讓我在治療中知道自己“you are not alone”,原來自己並不孤單。🥰

多謝各位姊妹提供的資訊,對我十分實用和有幫助。全靠大家,我才認識了柳醫生,寬寬,吳教授,亦申請了周凱旋基金,甚至知道在哪裡買假髮等等啊!😄

我在休養期間,除了記錄自己的心聲,也有繪畫和做小手作。文章中的圖畫是我在休養時的作品,請大家多多指教。🙇🏽‍♀️

願我們都活好每一天,珍惜我們所擁有的一切。願我的分享能祝福造就他人。🫶🏽

#乳您一起youarenotalone
#乳您一起畢業感言
#化療經歷
#以生命影響生命
#確診時感受