呀敏既畢業文
Change=Chance☺️
恭喜你呀敏🥳🥳🥳 好感恩你入左黎我地大家庭係幫到你，同路人威力好大，大家一樣既感受，一齊手拖手行係好好多。
只要你肯change, 就會有chance💪🏻 我都好明白做完治療冇左金鐘罩既感覺，但擔心都諗唔到答案復發，不如做啲我哋可以做既，例如享受人生，定期檢查，我地一齊加油，手拖手健康到老, 祝福你身體健康，開心快樂😘😘😘😘
*************************
各位姊妹大家好，今日終於輪到我畢業啦，做完最後一次電療，個心反而有啲忐忑，唔知嚟緊我要點樣跟進？
首先喺度我要多謝會長，Tan、Ada等等好多姊妹嘅經驗分享，讓我對乳癌重新認識，增長唔少知識，當初醫生同我講：話我中咗乳癌，當時腦海一片空白，完全聽唔到醫生之後同我講嘅嘢，當時感覺恐懼、擔心、害怕……..之後經過醫生仔細的講解，我冷靜落嚟，聽從醫生嘅建議準備接受治療，在接受治療初期，我好幸運認識了Tan，佢好熱心介紹了會長俾我認識，感謝會長好快就將我加咗入群，入群之後，發現群內邊啲姊妹真係好好，好熱心，好正面，有問必答，讓我即時感到好安心，好溫暖，一路走過來，得到大家嘅經驗分享，毫不吝嗇，讓我很感動，不再恐懼、害怕、擔心、勇敢面對，慶幸自己加入咗呢個溫暖的大家庭。
在此寄望未畢業的姊妹，不用擔心，有呢個溫暖的大家庭，就係我哋向前走嘅動力，各位加油！😍💪💪💪
最後祝各位姊妹身體健康，家庭幸福，生活美滿，天天快樂！😊
#乳您一起youarenotalone
#乳您一起畢業感言
#化療經歷