言者無心, 聽者有意
最近都聽到啲姊妹分享
當佢地確診時
有啲同路人, 醫生同佢地講"事實"時
都令到佢地喺徬徨之中更絕望, 更難受
我聽到後都很難過
十幾年前, 我有個好朋友分享左佢爸爸既教導
一把刀插入時, 好痛, 皮肉之痛, 但會復原的
但用說話去傷害別人, 呢種痛係入心入肺
比用刀插入既傷痛更難痊癒的
所以我地要學習諗人感受
有咩說話應該講, 有乜說話唔應該出口
要想清楚先出口係好重要
Set up左呢個group幾年
都有好多得著同感受
面對來自五湖四海既姊妹
當大家確診時既感受
不論期數, 不論富貧
感受都會係一樣的
但大家面對既現實就有可能唔一樣
早期發現同晚期發現, 擔心同面對將來既感受都唔一樣
我地同新確診既姊妹傾計時
通常都會先聽聽佢既情況
有乜野要擔心
再鼓勵佢點樣面對
比正面既意見同適當既資訊
仲有我地有好多同路人同佢一齊行
老實講, 我地唔係醫生,
我地最多都係意見分享
我地唔可以幫醫生去判斷
我地提供正面既關懷, 陪伴
比到正確既資訊
令到佢地擔心少一樣
已經幫到佢地好大忙
如果唔明道呢個道理
就好容易幫人變左害人啊!
#乳您一起youarenotalone
#病人組織既支援
#陪伴與關懷
#意見分享
#正能量
#斷症交比醫生