Toby畢業啦!
其實我有個習慣, 唔係經我page加入you're not alone group, 我唔好意思post佢地既畢業文, 但Toby例外, 因為Toby係一位年輕媽媽, 佢成個過程都好多好多擔心既位, 亦有啲位唔順利, 好多姊妹都拖實Toby去行, 初初以為做完化療做局部切除終於完成啦, 誰不知殺個BRCA出黎, 轉頭要再雙乳全切再重建, 聽到佢話好肉赤身體要承受咁多, 我心都酸埋, Toby成日都話好多謝大家拖實佢去行, 其實最要多謝既係你自己, 係自己好勇敢好叻先可以行到呢一步, 我等你好返一齊出黎食好野去慶祝, 我地繼續手拖手一齊到老, love you😘😘😘😘😘
********************************************
各位姊妹多謝你地🙏🏼陪我走過呢段不平凡既日子，我終於畢業啦🎓由確診，先化療，局切手術，到驗出有BRCA 基因，再做全切手術，呢段日子好多既壞消息令到自己好沮喪好失落，小小野就好驚，又失眠，又成日喊，好感恩有家人同姊妹們既陪伴，我終於走過左呢段日子，我終於畢業啦😭😭
@Jacq 係我最徬徨無助既時候，認識到你，就算好忙你都陪我傾計，比左好多支持同正能量我，我會繼續痴實你，多謝你建立2.0群組，有你，有姊妹們陪我度過呢段日子
@Idy 多謝你帶我入群組又比咁多正能量我，你送比我既書，我會繼續延續下去，好感恩認識到你
@Char 多謝你令我接觸瑜珈，又教我做復康運動，病前我真係好小運動，遇上問題時，會細心解答我既疑問
@Sandy 多謝你唔嫌棄我呢個驚驚青青又膽小既姊妹，我知道你好錫我呢個麻煩友
@Helen 當知道自己係BRCA基因時，會長介紹左你比我識，有你帶住我行，我定左好多，你既樂觀性格感染我，雖然唔好彩有呢個基因，多謝你既鼓勵，要勇敢做左可以做既野，之後要當自己好返，開開心心咁生活，你既說話，我有記住
@Ada 多謝你唔嫌我煩，有問必答，多謝你陪我度過左呢5個多月既日子，我好鐘意睇你同暖男
@Elaine 到我畢業啦，多謝你常常窩心既問候，又成日陪我傾計
@Ella 我地咩都可以講，等我康復要食餐好既
@Winnie 好鐘意聽到你既歡笑聲，我終於畢業啦
@Ellen 我畢業啦，你係我其中一個岩傾既姊妹，好快到你啦，期待
仲有多謝@Jojo幫我地用優惠價買化妝品，教我地扮靚
仲有好多姊妹未能一次多謝曬🙏🏼
姊妹們，約定你地手拖手一齊變老，每日都要開開心心
最後多謝我既家人，要你地照顧我真係唔好意思，仲要你地擔心我🥺
多謝我老公，無條件陪伴我，照顧我同支持我
多謝阿仔，因為有你地，我勇敢向前行
#youarenotalone
#乳您一起畢業感言