5月4-5號
好攰啊，化療後都差不多3星期對腳都未得，精神都比前3針差，但做媽媽既點都捨命陪仔，仔話去museum，點都去行下架啦！我一見有櫈就坐😆
下一站去玩高卡車，我又可以坐下，都係嗰句，好彩租左車點到點，一上車我可以瞓下，見到仔開心我就開心，之後去阿原買野，見到有包艾草包，可消除疲勞，放鬆，買左廿包諗住浸腳，返酒店忍唔住用左黎浸浴，嘩！成個人消腫左好多呀😆 最後一日買埋家姐既order就回港準備第五針標靶啦！
PS: 作為媽媽，當生病期間會有內疚既情況出現，內疚自己病左陪唔到仔女啦，內疚出席唔到畢業典禮啦，親子活動啦，好多好多.....但從另一個角度睇，我地比左個不一樣既經歷佢地，要學習幸福唔係必然，比佢地上左一課如何去照顧生病中既媽媽，我覺得凡事有兩面睇，向好方面睇時，都唔係咁差啫😁