5月3號, 化完第17日, 白血球應該已經回到正常水平, 急不及待喺電療前飛返一轉, 真係開心到爆炸, 覺得自己完成一個好大既任務, 呢個任務, 唔係為任何人, 係為自己, 好有成功感, 覺得自己從此就健康起來, 覺得自己重生, 覺得自己看透左啲事情, 覺得自己因為呢個病對人對事都有所得著, 呢個病係好事定壞事? 我會覺得好事多過壞事, 當然啦, 搞到自己身體壞左係好差勁, 但係可幸自己及早發現, 證明個天係比條路我行既, 咁我要好好珍惜, 活在當下啦, 前兩日對腳都唔得, 老公問左我好多次去唔去到, 我死撐都要去架啦, 咁開心完成化療, 冇理由唔去慶祝下架麻, 最後決定book車, 咁我起碼唔洗喺捷運行黎行去, 食下野行下既輕鬆遊.
今日帶埋個假髮去, 因為怕過關事要求除帽, 後面好多人望住我架麻, 認真怕醜, 過香港關就冇問題呀, 安檢時有要求除帽, 我就同佢地講我剛化療完, 佢地即時好醒目咁用枝棒幫我掃一掃就OK, 去到台灣落左機我就去廁所笠返個假髮, 一過左關就去廁所變返身, 我都係十分之唔慣戴假髮既我, 好睇嗎?
今次住間遠少少但係新既酒店, 貪佢乾淨啲, 仲有免費停車場, 遠少少都冇問題啦, 我地等Javan放學先去, 所以去到都天黑lu, 去左酒店附近既居酒屋到食, 食完就返酒店瞓lu