10 Apr - 第3針day 15
白血球回升到合格水平，好想出去行下，今次老公車我上山抖抖氣，見到通往大浪灣既樓梯，就慢慢行下，出下汗，行到200級時，我老公話要回頭，再行怕我落唔到去，佢係岩既，太耐冇運動，落返黎時已腳震🤪，但好開心做下運動，出下汗呀，仲有幾日就第四針畢業啦😍，好好好期待呀！心情極興奮！
今針，張醫生話唔洗中間返去抽血，因為我白血球一定去到0再反彈，叫我自己小心啲就ok，但我心都驚驚地到第四針當天驗血唔合格要留班，同左媽咪講左我既憂慮後，佢煲左超級靚湯，花膠，花生衣燉石崇魚湯，甜到爆炸。媽咪話人地教佢，石崇魚湯燉係好過煲好多架