化療期間會口味變，有啲似大肚作嘔作悶口淡淡，唔知點解好想食腸粉，菠蘿包，仲有羅漢果無花果水水都係必備，化療針好燥，整碗綠豆沙都得架！每針我食一碗咁多，西瓜汁係我打完針頭一星期必備，每日一杯，西瓜清熱又利尿，排好毒，副作用少好多😉
有左車後，我可以直接去新利果欄買水果，蔬菜，順便探下老闆娘Joyce, 佢好有心架，仲買野送比我，又成日問候我！我去唔到果欄時，只要我一whatsapp佢訂水果，上午訂，下午即到屋企，好有愛既人😘😘
PS: 記得記得，啲腸粉呀，菠蘿包呀........淺嚐係好ok, 切忌食太多，以前我鍾意食都食好多，而家唔會啦，淺嚐就好！