之前講到，我冇打升白針，白血球係會喺打針後第10日跌到去0，因以怕感染，所以我係比有打升白針既姊妹冇自由，有打升白針既姊妹，只要打完幾日既升白，就可以去比較安全去街街，但我冇打呢，要等我身邊自行回升先可以安全，而時間會比較耐，3星期入面，我頭15日都唔安全，唯有安坐家中免受感染，當然悶到我發瘟啦！直頭覺得冇新鮮空氣😓😓
我好想去接送仔女返學，可以去行下，同老公爭取左好耐，佢終於同意買車啦，買左架我好鍾意好鍾意既車，件事好快實現到真係好多謝Caris介紹個sales比我，都好多謝老公既體諒，養車其實唔平，佢一直覺得冇需要，但佢好明白我呢個非常時期既辛酸，多謝你呀！