第一針化療後幾日, 我就開始覺得喉嚨痛, 食喉糖啦, 飲果汁啦, 乜都無效, 跟住發覺條頸兩側紅左, 都冇乜理, 到化療第十日返去張醫生到驗血, 天呀........白血球得返0.04, 係中性白血球得返0.04, 我仲諗係唔係因為喉嚨發炎令到白血球咁低, 張醫生話可以食左抗生素先再睇睇白血球會唔會升返, 叮囑我戴口罩, 仲笑笑口問我個口罩有幾多層, 但當時嚇到我三魂唔見左七魄, 返屋企隔離自己,阿仔有啲唔舒服, 爸爸要佢去廚房食以防我感染, 我就好努力咁每日3隻蛋, 媽咪好努力每日花生衣湯, 老公好努力咁煮營養餐, 就係咁.......過多一星期返去驗血時, 白血球已上返去4.13, 喉嚨發炎退晒, 下針化療時更上到20, 峰迴路轉.
當白血球上返4.13時, 我見好天就去運動下, 仲同阿仔去打籃球, 安樂晒!
PS. 打TC會有骨痛既副作用, 通常會係第4-6日出現, 如果頂唔住, 只要食一粒Panadol就得, 唔好死頂, 因為痛, 瞓唔到, 食唔到, 精神差, 胃口差, 心情自然差, 只會越黎越差, 食左粒Panadol, 起碼正常8小時, 行得走得食得瞓得, 過2日就冇事架啦, 老公仲買左支按摩槍比我, 呢支野堅幫到手, 一家大小都用得!
帶左cool cap到下針化療時都仲有好多頭髮, 仲可以唔洗戴帽去飲茶, 哈哈!
#youarenotalone
#第一針後
#喉嚨痛
#白血球超低
#嚇親寶寶