26 Jan 2019
不得不作出選擇.....
阿仔學既野都遠遠地, 我唔想佢一個人去, 因為佢會唔知逛左去邊, 所以我盡量安排星期六日, 我地住柴灣, 踢波喺藍田, 單車喺葵芳, 我就黎化療, 唔知自己身體狀況會點, 同Javan商量後, 佢都話可以停一停, 等我好啲先再帶佢去, 今日最後一堂踢波, 好彩你明白事理, 遲啲如果你想踢返, 我一定會再帶你去架.
當要面對困境時, 有啲情況係要作出取捨, 但我每件事會向好方向去想, 有一刻我都會有啲內疚, 內疚因為自己病, 帶唔到阿仔去上堂, 但我向好方向去想, 既然選擇左化療, 有啲野我地就要去接受, 加上人生其實冇可能一帆風順, 屋企人係一條心, 是但一個有事, 其他人都願意作出配合, 呢件事都為阿仔上左一課啊! 人生總會面對好多唔同程度既困難, 要學習接受，學下睇餸食飯, 變通既心態, 細時有屋企保護更應該學習下, 大個左後就要自己去面對架啦!
#youarenotalone
#取捨
#有健康先有將來
#今日既暫別係為將來走更遠既路